நிலவு

 நிலவு

  ( காவடிச் சிந்து )

 ( பாதி ராத்திரி வீட்டு மெட்டு ) 

 நீல வானத்தில் மாலை யில்வந்து   

நின்றி டும்வெள்ளித் தட்டு - மஞ்சு 

 நெற்றி யில்இட்டப் பொட்டு - மின்னல் 

 நீச்ச லில்ஒளிர் வட்டு - ஒளி 

 நீட்டிக் கூட்டிக்கொண் டேகி டநீரில் 

 நெகிழுதே அல்லி மொட்டு ! 

 கால மும் இர வோடு தான்உன்னை 

 காண்ப தேகளிப் பாகும் - காளை, 

 கன்னி யர்மனம் நோகும் - உந்தன் 

 கருணை யால்இடர் போகும் - கவி 

 கற்ற பாவலர் கற்ப னைக்கும்உன் 

 காட்சி யேபரி சாகும் ! 

 தேனி லாவிலே காத லார்மனம் 

 செம்மை யாயின்பம் ஊட்டும் - இணை 

 தீதி லாச்சுவை கூட்டும் - மகிழ் 

 சிந்து பாவியம் தீட்டும் - மெல்ல 

 தேயு றும்பிறழ் உள்ளத் தீச்சலை 

 செப்ப மாய் அற ஓட்டும் ! 

 வானி யங்கிடும் வெண்ணி லாவந்து 

 வருட வேகுளிர் வீசும் - நோக்க 

 வாட்ட மாய்க்கண்கள் கூசும் - கேட்க 

 வண்ட மிழ்மொழி பேசும் - கலை 

 மாற்றத் தால்வரு மேற்ற தாழ்வுகள் 

 மாற வே போகும் மாசும் ! 

 தேய்ந்தி ளைத்துநீ நாள்வளர் பிறை 

 தேர்ந்த கோளுறு காலம் - புவி 

 சேர்ந்த ஓட்ட 'மாய் மாலம்' -- அந்தி 

 தீண்ட லில்இடும் ஆலம் - வெய்யோன் 

 சிந்தி டும்ஒளி இந்து மேவிட 

 சீர்பெ றும்அருங் கோலம் ! 

 பாய்ந்தெ ழுங்கடல் ஓய்ந்தி டும்அலை 

 பாரி னில்உந்தன் ஆர்ப்பு - விசை 

 பரவ லில்வரும் ஈர்ப்பு - ஓதம் 

 பங்கி டும்நீர் சேர்ப்பு - நிலாப் 

பந்தி டும்விளை யாட்டி னால்நிகழ் 

 பாரு றும்வினை வார்ப்பு ! 

 பூமி யைச்சுழல் மைய மாய்க்கொண்டுப் 

பொற்பு றுந் துணைக் கோளாம் ! - பிறை 

 போலு ரு அரி வாளாம் - வான் 

 பூ நி லாக்குறை சூளாம் - மதி 

 பூர ணவடி வாகி டும்நிலை 

 பூணு தல்திரு நாளாம் ! 

 பாம ரர்க்கல் லல்தந்தி டும்பகல் 

 பைச லாகும்'மை' காட்டில் - எழும் 

பால்நி லாஒளி நாட்டில் - சுடர் 

 பாய்ச்சி டுங்குடி வீட்டில் - வடை 

 பாட்டி சுட்டிடுங் காட்சித் தோன்றலோ 

 பார்வை மாயம்கண் கூட்டில் ?

                                                           - இராதே

  சூள் : சாபம் , பொற்பு : அழகு

பாரதிதாசன்

 பாரதி தாசன் 

( காவடிச்சிந்து )

 ( கன்னல் சூழ்பழ னம்புடை சூழ்கழு ) 

 தென்றல் சேர்நில வின்குளிர் சேர்மன 

  தேரி னில்வரும் மாக்கவி ராசனே ! - பாடல் 

  வாரி யெங்கும்வீ சும்மொழி நேசனே ! - எழில் 

    செந்தமிழிசை எம்பிநின்திரு 

     உந்துதலுற நம்பிக்கையொடு 

   சேவை செய்கவி பாரதி தாசனே ! - தமிழ்

   நாவை வைத்துல கையாளும் ஈசனே !

 இன்னல் சூழ்உழ லும்இனஞ் சூழ்தமிழ் 

   ஏற்ற மும்பெற 'பா'உரை நேயனே ! - பகை 

  தோற்க வே'கொலை வாள்'விடு மாயனே ! - தவ 

    இன்பமாத்தமிழ் எங்கும்மேவிட

     நன்குசங்குமு ழங்கவேயொலி 

   எட்டுத் திக்குமி சைத்தநல் தூயனே ! - நனிச் 

   சொட்டும் சொற்றமிழ்ச் சொல்லுஞ்சொல் வாயனே ! 

 பைந்த மிழர்ப் பெருமைகள் தேடியே

  பாவேந் தரென்றச் சிறப்பைச் சூடியே - பெற்ற 

  பட்டங் களாமோ எத்தனைக் கோடியே - தேன் 

    பாகெனக்கவி யோஇனித்திடும்

    வாகெனமன மோசுவைத்திடும்

     பாண்டி யன்பரி சாங்கவி பாடியே - மொழித்

     தாண்ட வமாடு தாம்மகிழ்ந் தாடியே

 சிந்த னைக்குளே 'அழகின் சிரிப்பாம்'

சிந்த னைக்குளே 'அழகின் சிரிப்பாம்' 

   சீர்மை குடும்ப விளக்கின் குறிப்பாம் ! - இல்லத் 

  தீமை அப்பு'மி ருண்டவீடு' தெறிப்பாம் ! - கவி 

    தேறலூறிடும் பாடலாயிரம் 

    மீறவேயிலை 'பா' இலக்கணம்

  செப்பு வேர்த்தமிழ்ப் புரட்சி நெருப்பாம் ! - கனக 

  சுப்பு ரத்தினம் தமிழர் இருப்பாம் ! - இராதே

 

சொற்கேட்டல் இனிது

 சொற்கேட்டல் இனிது

படுக்கையில் கால்கை ஆட்டிப்

   படிகளில் தவழ்ந்தே யேறித்

தடுக்கியே விழுந்து வாறித்

   தத்தியே நடக்கக் கற்று

அடுப்படி நுழைந்து சுற்றி

   ஆக்கிய சோற்றைக் கொட்டிக்

கொடுக்குகள் அடிக்கும் கொட்டம்

   குளிருதாம் மனத்தில் இன்பம் !

அடுக்கிய உடைகள் பொம்மை

   அனைத்தையும் அள்ளி வீசி

இடுக்கிலே புகுந்து வந்தே

   எட்டியே குறும்பாய்ப் பார்த்துத்

துடுக்காக ஓடி யாடித்

   துள்ளிய துள்ள லோடே

சொடுக்கிடும் நொடிக்குள் ளாக

   சுழன்றிடும் மழலை இன்பம் !

சுண்ணாம்புச் சுவற்றி லெல்லாம்

   சுரண்டியே கிறுக்கி வைத்துக்

கண்ணாடிக் கதவைத் தட்டிக்

   கற்கண்டாய்ச் சிதற விட்டுப்

பின்னாடி ஒளிந்து நின்று

   பிறைபோல எட்டிப் பார்த்து

முன்னாடிக் குழையும் பிஞ்சின்

   முகத்தாடல் கொள்ளை இன்பம் !

அன்னைமுன் தானை பற்றி

   அடிக்கடி காலைச் சுற்றிக்

கண்ணாக வளர்க்குந் தந்தை

  கைகளில் பிடித்துத் தொங்கி

வண்ணமாய்க் குழைந்து  கொஞ்சி

   வாயார முத்த மிட்டே

எண்ணத்தை ஆளும் செல்வ

   இளம்மழலைச் சொற்கள் இன்பம் !

தன்மக்கள் தீண்டல் இன்பம்

   தரத்தாலே உயர்ந்த தென்பார்

வெண்சங்கும் குழலும் யாழும்

   வெற்றிசைதான் மக்கள் முன்பே

இன்சொல்லாய் மழலைச் சொற்கள்

   இனிக்கின்ற சொற்கள் தாமே

இன்பமுறு மக்கள் பேறே

   இனிக்கின்ற தென்பான் ஐயன் !

இன்னிசையில் உலகம் நோக்கி

   இயம்புகிற சொற்கள் யாவும்

மண்ணசைக்கும் மழலை முன்னர்

   மண்டியிடும் சொற்க ளாமே

விண்ணுயர நின்ற ஐயன்

   விருப்புடன் மக்கள் பற்றிக்

இன்சொல்லை செவிக்குள் அந்த

    இனிதான குறள்தந் தானே !

                                                          -  இராதே