கொடுமை முளைவிடு நெஞ்சர் !
இந்தியப் பொன்னெழில் நன்னாடே ! - உம்மை
ஏய்த்துப்பி ழைப்பவ ராரே டி ?
முந்திப் பெருபண மூட்டை கட்டு கின்ற
முதலாளி வர்க்கத்தின் எத்த ரடி !
ஒற்றுமை பேணிடும் பொன்னாடே ! - உம்மை
ஓடேந்த வைப்பவ ராரே டி ?
கற்றுத்தெ ளிந்த கல்மன வஞ்சக
கறுப்புப் பணப்பேய்ப் பித்த ரடி !
வற்றாதி ருக்கின்ற திண்ணாடே ! - உம்மை
வறுமையில் தள்ளுவோ ராரே டி ?
பற்றியு றிஞ்சிடும் பன்னாட்டு வணிகத்தைப்
பல்லாக்கில் தூக்கிடும் மனத்த ரடி !
வீரம்வி ளைகிற தொல்நாடே ! - உம்மை
வீழ்த்த நினைப்பவ ராரே டி ?
கோரம தவாத கொட்ட மடிகின்ற
கொடுமை முளைவிடு நெஞ்ச ரடி !
- இராதே
10.02.2016
( தோழியர் உரையாடல் , தாழிசை )
