குடிக்கக் கூடாது - மது
குடிக்கக் கூடாது !
தொடுப்பு
மடியைப் பிடித்துக் குடியைக் கொடுத்து
முடியைப் பிடித்து அடியைக் கொடுக்கும் ! (குடி)
முடிப்பு
குடிக்கக் குடிக்கப் போதையேறித் தவறுகள் நடக்கும் ;
குடியும் தெளிந்து பார்க்க மானம் குப்புறக் கிடக்கும் ;
விடிய விடியக் குடிப்பதினால் வேதனைப் பெருகும் ;
விடிவில் லாத வெற்றுவாழ்க்கை சோதனை இருகும் ! (குடி)
கட்டின தாலி கடையிலேறி வட்டிக்கு விற்கும் ;
கட்டின மனைவி காதல்வாழ்வு வீதியில் நிற்கும் ;
பட்டெனப் பேசி சட்டெனமூளும் சண்டைகள் மொய்க்கும் ;
விட்டுவி டாமல் கிட்டின பழக்கம் வீழ்ச்சிக்குள் துய்க்கும் ! (குடி)
ஈரல்குலையும் குடலும்வெந்து இரைப்பையும் அழுகும் ;
இறுதிநாட்கள் அமைதியிழந்து தொல்லையில் முழுகும் ;
உறவும் ஊரும் ஒன்றுசேர்ந்தே ஒதுக்கியே வைக்கும் ;
உறவின் பிரிவில் உழலும் மனதில் துன்பமே தைக்கும் ! (குடி)
- இராதே
கருத்துகள் இல்லை:
கருத்துரையிடுக