ஆழ்மனக் கனவுகள் மெய்ப்பட வருமோ ?
வராதெனின் உறக்கந்தான் பொய்யெனத் தகுமோ ?
வராதெனின் உறக்கந்தான் பொய்யெனத் தகுமோ ?
எந்நினைவு மனக்குகைக்குள் எவ்வழியில் புகுமோ ?
எந்நாளும் கருத்தெண்ணித் தத்தளிப்பில் விடுமோ ?
எந்நாளும் கருத்தெண்ணித் தத்தளிப்பில் விடுமோ ?
கருத்தில்லாக் கனவுகளே கற்பனையின் தொடக்கம்
விரிவான வெளிச்சங்கள் விடைதேடி முடக்கம்
விரிவான வெளிச்சங்கள் விடைதேடி முடக்கம்
குழப்பத்தில் கவலைகளின் குட்டிகள்தாம் திரியும்
குறைதீர மௌனங்கள் சான்றுகளாய் விரியும்
குறைதீர மௌனங்கள் சான்றுகளாய் விரியும்
விண்மீன்கள் சுடர்விட்டு விளக்கொளியைப் பொழியும்
விடைபெறுமா இரவுகள்? விடைதருமா கனவுகள் ?
விடைபெறுமா இரவுகள்? விடைதருமா கனவுகள் ?
- இராதே
கருத்துகள் இல்லை:
கருத்துரையிடுக