சட்டம் மதியாமல் எள்ளியே - சீறும்
சாலச் சறுக்களில் துள்ளியே - வண்டித்
தடுமாறிட அடங்காமலே
நடுவீதியில் இடந்தாவியே
சட்டென இடிபடத் தள்ளியே - மக்கள்
சாவவே வைக்கிறாய்க் கொள்ளியே !
மாலை மயக்கத்தை நீட்டியே - மது
மதியதன் பேச்சினைக் கேட்டியே - மன
மகிழ்வினில் முடுக்கங்கள் கூட்டியே -விதி
மதிப்போரையும் நடப்போரையும்
மதிமாறியே தடம்மாறிட
மரணத்தின் ஓலையைத் தீட்டியே - மாந்தன்
மண்டையைப் பிளக்கிறாய் ஓட்டியே !
மதியதன் பேச்சினைக் கேட்டியே - மன
மகிழ்வினில் முடுக்கங்கள் கூட்டியே -விதி
மதிப்போரையும் நடப்போரையும்
மதிமாறியே தடம்மாறிட
மரணத்தின் ஓலையைத் தீட்டியே - மாந்தன்
மண்டையைப் பிளக்கிறாய் ஓட்டியே !
தொங்கியே பேரூந்தில் செல்லாதே - படி
தொற்றிக் கொண்டுநீ நில்லாதே - பெருந்
துன்பத்தை நொடியினில் புல்லாதே - சாலை
விதிமீறியே தடுமாறிட
சதிவேலையில் கொடுமையுறு
தொல்லைகள் தரும்வழி கல்லாதே - வாழ்வின்
தொடக்கத்தில் இன்பங்கள் கொல்லாதே !
தொற்றிக் கொண்டுநீ நில்லாதே - பெருந்
துன்பத்தை நொடியினில் புல்லாதே - சாலை
விதிமீறியே தடுமாறிட
சதிவேலையில் கொடுமையுறு
தொல்லைகள் தரும்வழி கல்லாதே - வாழ்வின்
தொடக்கத்தில் இன்பங்கள் கொல்லாதே !
பாங்குடன் வாழ்வதே சுகவாசி - தெரு
பயணத்தில் ஏன்தானோ செல்பேசி - சவ
பாடையை நாடவா அலைபேசி - நாளும்
பலர்கூடிடும் தெருகூடலில்
நிலைமீறிடும் விழிமூடியப்
பயணங்கள் மாய்த்திடும் அதைவாசி - இதன்
பக்குவம் அறிந்திட நீயோசி !
பயணத்தில் ஏன்தானோ செல்பேசி - சவ
பாடையை நாடவா அலைபேசி - நாளும்
பலர்கூடிடும் தெருகூடலில்
நிலைமீறிடும் விழிமூடியப்
பயணங்கள் மாய்த்திடும் அதைவாசி - இதன்
பக்குவம் அறிந்திட நீயோசி !
- இராதே
கருத்துகள் இல்லை:
கருத்துரையிடுக