ஊனில் விழுங்கதிரை
கூனி லாப்புகழ் போற்றி மகிழ்ந்திட
வந்திடுமே பொங்கல் - ஒளி
தந்திடுமே பொங்கல் !
தேரில் வருங்கதிரை - இப்
பாரில் எழுங்கதிரை
ஊரி னிலேவர வேற்று மகிழ்ந்திட
வந்திடுமே பொங்கல் - சுடர்
தந்திடுமே பொங்கல் !
ஓடி வருங்குதிரை - அதில்
ஆடி வருங்கதிரை
பாடிக் குளிர்ந்திடக் கோடிக் குரல்ஒலி
தந்திடுமே பொங்கல் - கதிர்
வந்திடுமே பொங்கல் !
மேற்கில் விழுங்கதிரை - நால்
திக்கில் ஓளிர்கதிரை
நெற்களங் கள்நிறை பொற்குவி யல்பெற
பொங்கிடுமே பொங்கல் - பால்
பொங்கிடுமே பொங்கல் !
வாடுந் தமிழினத்தை - துயர்
சூடுந் தமிழினத்தை
கேடும் விட்டிட பாடும் பணியென
வந்திடுமே பொங்கல் - சுவைத்
தந்திடுமே பொங்கல் !
-இராதே
கருத்துகள் இல்லை:
கருத்துரையிடுக