இராதே

இராதே
eradevadassou

புதன், 23 செப்டம்பர், 2020

                          தாய்மொழி

எடுப்பு

இன்பத் தமிழ் மொழி எங்கே ?
ஏன் மறந்தார் கற்க இங்கே ? ( இன்ப )


தொடுப்பு

கன்னல்மொழி ஏனோ காணாமல் மறையுது ;
கன்னித்தமிழ் பேசும் ஆளுமே குறையுது ! ( இன்ப )


முடிப்பு

கன்னித் தமிழ்க்குரல் 'மம்மி' என்றது ;
காதடைத் தேஉள்ளம் அதிர்ச்சியில் நின்றது ;
தண்டமிழ் நடையோ ' வாக்கிங்கில் ' சென்றது ;
தன்னல ஆங்கில மோகமே வென்றது ! ( இன்ப )



தாய்மொழி பள்ளியில் தழைக்கா தழியுது ;
தடுக்காத அரசினால் தமிழுமே ஒழியுது ;
வாய்வழி செந்தமிழ் யாரிங்கே பொழிவது ?
மயக்கம் அறுத்திட யார்முன் மொழிவது ? ( இன்ப )



நல்ல தமிழ்பேச நாமே வெறுப்பதா ?
நாணப்பட் டேதமிழ் நவில மறுப்பதா ?
மெல்ல தமிழ்மொழி மேன்மை சிறுப்பதா ?
மேவிய ஆங்கிலம் கழுத்தை அறுப்பதா ? ( இன்ப )



நற்றமிழ் காத்திட நம்மை அளிப்போம் !
நாளுந் தமிழ்ப்பேசி நன்கே களிப்போம் !
உற்றவர் மற்றவர் ஊர்போற்றத் துளிர்ப்போம் !
ஒண்டமிழ் வாழ்க! வாழ்கவென் றொலிப்போம் ! ( இன்ப )


- இராதே
Image may contain: text that says 'தமிழ்மொழி இது ஒரு மந்திர தந்திர 中 மொழி'
You, Sugumaran Govindarasu, பக்கிரிசாமி தியாகராஜன் and 14 others
5 Comments
Like
Comment
Share
இடுகையிட்டது நேரம்
லேபிள்கள்:

கருத்துகள் இல்லை:

கருத்துரையிடுக

இதற்கு குழுசேர்: கருத்துரைகளை இடு (Atom)