தாய்ப்பால்

(உருப்படி)

எடுப்பு

தாய்ப்பால் கொடுத்திட பழகு - மழலை

தளிர்மேனி வளரும்பார் அழகு (தாய்)

தொடுப்பு

தாய்ப்பால் தரும்ஊட்டம் எதிர்ப்பாற்றல் தந்திடும்

தாயன்பு மொழிப்பண்பு தழைப்பதில் முந்திடும் (தாய்)

முடிப்பு

எளிதிலே செரிமானம் ஆகும் - தாய்ப்பால்

ஏற்றமுறுங் கட்டுடலாய் தேறும் - நோஞ்சான்

கொழுகொழு குழந்தையாய் மாறும் - பார்க்க

மொழுமொழு செழிப்பழகே ஊறும் (தாய்)

அறிவுவளம் உரமாகித் தேடும் - நல்ல

ஆளுமையும் தோற்றமுமே கூடும் - தாய்க்குச்

சிறப்பான நற்பெயரைச் சூடும் - வாழ்வில்

சீர்மேவும் நன்மைபல நாடும் (தாய்)

- இராதே