தும்பி
ஊடாடி விளையாடி
ஊருணியில் ஊர்ந்தாடி
ஓசையுடன் பறந்தா டுமே ;
உரசியிலை, மலராடி
ஊசியுடல் இறக்கையுடன்
ஓடோடிச் சுழன்றா டுமே !
காடாடிக் கதிராடிக்
கண்டயிடம் சதிராடிக்
கார்முகிலைக் கொண்டா டுமே ;
கண்களிணைக் கூட்டாகிக்
கண்கவரும் காட்சியொளிக்
கலைநுட்ப முகத்தோற் றமே !
கோடான கம்பியுரு
குழலுருளை வடிவமாய்க்
கொசுக்களை உணும் எம்பியே !
கூடுக ளின்றியே
குளநீரில் முட்டையிடக்
குஞ்சுபொரி வளர்த் தும்பியே !
- இராதே
கருத்துகள் இல்லை:
கருத்துரையிடுக