பைரவி !
படைப்பாளி பைரவி பாக்கள் பசுந்தேன் !
கொடையாக சிந்துகிற கொம்புத்தேன் ! - ஓடை
நடையென நடனமிடு நற்றமிழ்த் தேரின்
கடையாணி பைரவி காண்
ஈடில்லாப் பைரவி ஈயும்நல் பாக்களெல்லாம்
கேடில்லாக் கேண்மை வளர்க்குமே ! - பாடி
உறவுகள் நேயம் உணர்த்திடும் பைரவி
குறைவற்ற நட்பின் குறி
' ஓலைச் சுவடிகள் ' , ' ஒப்பாரி ' , ' தண்டோரா '
சோலைநனி நூல்கள் சுவைக்குமே ! - பாலையெரி
' தீப்பொறிகள் ' சூடேற்ற ' கல்வெட்டு ' வெட்டியே
பாப்புனையும் பைரவி பார்
முற்போக்கு முன்னெடுக்கும் மூத்த முகவரி
பிற்போக்குக் காணா பிறைநிலா ! - கற்றோர்கள்
போற்றுகிற பாப்புயல் ! பொல்லா மனிதர்க்குக்
கூற்றுவன் பைரவி கூறு
நடுக்கடல் 'நங்கூரம்' நட்பின் சிகரம்
கொடுக்கும் கொடையாளி பைரவி - கெடுத்திடும்
பொய்யரைக் கொன்று புதைக்கும் ' புதைகுழி'
மெய்யதே பைரவி மெய்
- பொறிஞர் இராதே
கருத்துகள் இல்லை:
கருத்துரையிடுக