.jpg)
கொத்துகிற நாகமென புடலங் காய்கள்
பொடிக்கல்லைக் கட்டிவிட்டு நீட்ட மாக
புவியினையே தொடும்படியாய் வளர்தல் செய்வர் ;
பிடியற்றுக் கொடிபடரும் பரங்கிக் காய்கள் ,
பெரும்பானைப் பூசுணைக்காய், சுரையின் காய்கள் ,
மடிநிறைய காய்க்கின்ற அவரைக் காய்கள் ,
மரங்குலுங்குக் காய்க்கின்ற முருங்கைக் காய்கள் !
வெண்டைக்காய் கத்தரிக்காய் செடியின் காய்கள் ,
விரும்புசுவைக் கூட்டுகிற பீர்க்கங் காய்கள் ,
சுண்டைக்காய் வாழைக்காய் புளிமாங் காய்கள் ,
சுவையூட்டும் தக்காளி வகைகள் காய்க்கும் ;
தொண்டைவரைக் கசப்பிருக்கும் பாகற் காய்கள் ,
துவர்ப்போடே புளிக்கின்ற நெல்லிக் காய்கள் ,
கண்டபடி விளைந்திங்கே மகசூல் காணும்
காய்கறிகள் வளர்தோட்டம் எங்கள் தோட்டம் !
-இராதே
கருத்துகள் இல்லை:
கருத்துரையிடுக