அழகிய மணலிடை எழில்நடை வலைநுழை
நண்டு ! - மகிழ்
வுண்டு !
நிலையிலை யெனும்நசை அலையெழு அழகிடை
நிறுவிய அசைவினை வியனுற அலைபடும்
சங்கு ! - நிறம்
நுங்கு !
அணிகல னொலியெழ அலையிடை இடிபடும்
அணிமணி வகையுறு அணிநகை வளர்நனை
இப்பி ! - முத்துச்
சிப்பி !
மணியொளிர் எழுகதிர் இடுதிரை நெடுகிலும்
மனநிறை ஒளிபடர் அழகுட னெழும்அதி
காலை ! - துள்ளும்
வாளை !
கருநிற இரவிடை ஒளிமிகு மிளிர்நடை
கனவுறு ரதமென விசையுற வெளிவரும்
நிலவு ! - கரை
உலவு !
உருசிறு மலர்நிகர் ஒளிர்மழை நிறைதரு
உயர்வெளி வழியிடை இரவினில் விரவிடும்
உடுக்கள் ! - பொழில்
வடுக்கள் !
இளவெயிற் விரிவுற மதியொளி மறைபட
இளையவர் முதியவர் மணல்மிசை நடையிடும்
பயிற்சி ! - நல்ல
முயற்சி !
இளஅலை இமிழெழ எழிலலை வலம்வர
இளம்மொழி எதிரொலி மகிழ்வொடு நிலமிசை
வீசும் ! - தமிழ்
பேசும் !
-இராதே
கருத்துகள் இல்லை:
கருத்துரையிடுக