காயும் நிலா !
எடுப்பு
காயும்நிலாப் பாயும்ஒளி
தங்க மாங்கனி !
தோயும்இதழ் தேயும்மொழி
சொல்ல வாஇனி ! ( காயும்)
தொடுப்பு
சாயும்மனம் போயும்விழும்
அள்ளும் மோகினி !
மேயும்உயிர்த் தீயும்எழும்
இன்ப வாகினி ! ( காயும் )
முடிப்பு
அலைமோதுதா ? விளையாடுதா ?
உளந்தாவித் தாவித்திண் டாடுதே !
நிலைமீறுதா ? மகிழ்வாகுதா ?
களமாடி ஆடிக்கொண் டாடுதே ! ( காயும் ) - 1
விழிபேசுமா ? மொழிகூசுமா ?
மலர்த்தேடித் தேடிவண் டூடுதே !
வழிதூரமா ? இதழூறுமா ?
இளந்தென்ற லூடிமன் றாடுதே ! ( காயும்) - 2
இதுபோதுமா ? இனும்வேண்டுமா ?
நினைவாகி ஏகிமெய் வாடுதே ?
இதுமோதலா ? தருங்காதலா ?
எனைமீட்டி மீட்டிபண் பாடுதே ! ( காயும் ) - 3
- பொறிஞர் இராதே
கருத்துகள் இல்லை:
கருத்துரையிடுக