முட்டை
முட்டை முட்டை முட்டைதான்
முந்தும் சத்தில் முதன்மைதான் ;
முட்டை மஞ்சள் கருவிலே
முறையாய்ப் புரதம் ஒமேகாவும்
கொட்டிப் பிணைந்து கிடக்குதாம் ,
கொழுப்பை அடக்க உந்துதாம் ;
முட்டை இதய நோயினை
முன்னே நின்று காக்குதாம் !
கெட்ட கண்கள் பார்வையைக்
கேடு நீக்க செய்வதும்
கெட்ட கொழுப்பின் தீமையைக்
கெடுத லின்றி மாய்ப்பதும்
கட்டுக் கடங்கா நீரிழிவைக்
கட்டுக் குள்ளே வைப்பதும்
முட்டை முட்டை முட்டையே
முழுதும் நம்பி உண்ணுங்கள் !
பெட்டை கோழி இடுவது
பெரிதும் நலங்கள் பயப்பது
வட்ட நீள கோளமாய்
வடிவில் கண்ணைப் பறிப்பது
கொட்டும் உயிர்ப்பு சத்துகள்
குவிந்து செழிக்கும் முட்டையை
விட்டு விடாமல் தின்னுங்கள்
விளையும் நன்மை கொள்ளுங்கள் !
- பொறிஞர் இராதே
கருத்துகள் இல்லை:
கருத்துரையிடுக