திராட்சை
தித்திக்கும் பழமே திராட்சை
திறனூட்டும் பழமே திராட்சை ;
சத்துணவு பழமே திராட்சை
தாகவேட்கைத் தீர்க்குந் திராட்சை ;
அத்துமீறும் புற்றைத் தவிர்க்கும்
அழகிளமை உருவங் கொடுக்கும் ;
முத்துமுத்து நன்மை அளித்தே
முகத்தழகை மீட்குந் திராட்சை !
தலைமுடியின் மயிர்க்கால் வேர்க்குச்
சத்தூட்டந் தருமே திராட்சை ;
கலைந்தமுடி உதிர்தல் நிற்கும்
கருகருனு மினுக்கிச் சொக்கும் ;
மலச்சிக்கல் மாய்க்கும் மருந்து
வறட்சிநீங்க தோலுக்கு விருந்து
அலைக்கழிக்குங் குருதி அழுத்தம்
அமைதியுற அடக்குந் திராட்சை !
இளஞ்சிவப்பு , மஞ்சள் , பச்சை
இருள்கருப்பு நிறங்கள் திராட்சை ;
களைப்பான சிறுநீ ரகங்கள்
களிப்புறத் தூண்டுந் திராட்சை ;
வளமையுற வயிற்றைக் காக்கும்
வரமேதான் வழங்குந் திராட்சை ;
அளவின்றித் தின்றாள் துன்பம்
அளவோடே உண்போம் திராட்சை !
- இராதே
கருத்துகள் இல்லை:
கருத்துரையிடுக