நெல்லிக்காய்
நீண்ட இளமை கூட்டும்
நெல்லி நெல்லிக் காயாம் ;
மூண்ட நோயின் தொற்றை
முடக்கும் நெல்லிக் காயம் ;
தீண்டும் நுண்மி அழிக்கத்
திரளும் நெல்லிக் காயாம் ;
ஆண்டு நூறு வாழ
அருளும் நெல்லிக் காயாம் !
அடங்காச் சிறுநீர் எரிச்சல்
அடக்கும் நெல்லிக் காயாம்
மடங்காய் உயரும் அழுத்தம்
மட்டுப் படுத்தும் காயாம் ;
உடலின் வீக்கம் குறைக்கும்
உயர்ந்த நெல்லிக் காயாம் ;
குடலின் இயக்கம் சிறக்கக்
கொள்ளும் நெல்லிக் காயாம் !
கண்ணும் உடலும் குளிரக்
கருணைக் காட்டுங் காயாம் ;
புண்கள் வயிற்றில் ஆற
புகட்டும் நெல்லிக் காயாம் ;
பெண்கள் கூந்தல் வளமை
பெருக்கும் நெல்லிக் காயாம் ;
உண்ண மருந்து பயன்கள்
உகுக்கும் நெல்லிக் காயாம் !
- இராதே
கருத்துகள் இல்லை:
கருத்துரையிடுக