அவரைக்காய்
அவரை அவரை அவரைக்காய்
அளிக்கும்உணவே மருந்துதான் ;
அவரைப் பிஞ்சுத் துவர்க்குமாம்
அவரைக் காயோ சுவைக்குமாம் ;
அவரை நோயை எதிர்க்குமாம்
அவரை தூக்கங் கொடுக்குமாம் ;
அவரை சிறுநீர்ப் பெருக்குமாம்
அவரை சளியை விரட்டுமாம் !
அவரை தசையின் நார்களை
அதிக வலிமை யாக்குமாம் ;
அவரை கால்,கை மரத்தலை
அகற்றி உணர்தல் மீட்குமாம் ;
அவரை எளிதில் செரிக்குமாம்
அவரை சோர்வைக் கெடுக்குமாம் ;
அவரை தோல்நோய்த் தடுக்குமாம்
அவரை மலத்தை இளக்குமாம் !
அவரை நினைவைத் தூண்டுமாம்
அவரை மூலம் காக்குமாம் ;
அவரை இருமல், பொருமலை
அணுகி நிறுத்தித் துரத்துமாம் ;
அவரை குருதி நாளத்தை
அலசித் தூய்மை படுத்துமாம் ;
அவரை அருளும் நன்மையை
அண்டி பயன்கள் கொள்ளுவோம் !
- இராதே
கருத்துகள் இல்லை:
கருத்துரையிடுக