சப்போட்டா
உருட்டும் உணவுக் குழலழற்சி
உருளும் இரப்பைப் பேரழற்சி
திருகும் குடலின் திரளழற்சி
தீர்க்கும் முகவர் சப்போட்டா ;
உருக்குங் காச நோயழிக்கும்
உண்மை நண்பன் சப்போட்டா ;
குருதி நாளஞ் சீராகும்
குருதிக் கழிச்சல் குணமாகும் !
தவிட்டு நிறமாம் சப்போட்டா
தணிக்குந் தாகம் சப்போட்டா ;
குவியுந் தொற்றைக் கொன்றழிக்கும்
குடற்நோய்ப் புற்றைத் தவிர்த்தழிக்கும் ;
அவியும் உடலும் குளிர்ச்சியுறும்
அழகுக் கூந்தல் நன்மையுறும் ;
புவியும் சிறந்த பழமாமே
புதுமை நிகழ்த்தும் சப்போட்டா !
உண்ணும் போதோ உதடொட்டும்
உரியுந் தோலின் பாலொட்டும் ;
சுண்ணம் , இரும்புச் சத்துமிகும்
சுணக்கம், மயக்கம் மீட்டெடுக்கும் ;
கண்ணின் நோய்கள் நலமாகும்
காய்ச்சல் குறைந்து சரியாகும் ;
தின்னத் தின்னச் சுவையினிக்கும்
சேர்ந்தே உண்போம் சப்போட்டா !
- இராதே
கருத்துகள் இல்லை:
கருத்துரையிடுக