மாற்றம் !

 மாற்றம்

மாற்றமில்லை ஏதும் மாறவில்லை

     மாறுதலும் பேராறுதலும் தர

          யாருமில்லை - இனி

          யாருமில்லை !     ( மாற்றம் )

காற்றில் தூய்மை காணவில்லை ;

சுவாச நோயுக்குப் பஞ்சமில்லை ;

ஆற்றில் கழிவுகள் பெருந்தொல்லை ;

தொடர்ந்தால் நீரும் சோறுமில்லை !    ( மாற்றம் ) - 1

குப்பைக் கூளங்கள் வெளியில்விழும் ;

விழுகிற போதே சண்டையெழும் ;

சாக்கடை நாற்றத்தில் தெருக்கள்அழும் ;

சரிசரி யென்றே கொசுக்கள் தொழும் !    ( மாற்றம் ) - 2

தொற்றும் பிணிகள் நின்றாடும் ;

சூழலைக் கெடுத்துக் கொண்டாடும் ;

முற்றுஞ் சுத்தம் இல்லையெனில்

ஊரே எரிக்குஞ் சுடுகாடாம் !    ( மாற்றம் ) - 3

நூற்றுக்கு நூறு தன்னலந்தான் ;

நொறுங்கிப் புழுங்குதுப் பொதுநலந்தான் ;

ஏற்றுத் திருந்தவும் மனமில்லையே ;

ஏற்றால் உடல்நலக் கேடில்லையே !    ( மாற்றம் ) - 4

பொறிஞர் இராதே