கண்ணிலார் நாட்டில் கோடி
கண்ணிலார் வையம் காண
கண்களோ தேவை கோடி
எண்ணிலா விழிகள் வேண்டி
எண்ணிக்கைக் குறைவை சுட்டி
எண்ணத்தில் ஈகை பூட்டி
எண்ணற்ற விழிகள் தருவீர் !
மண்போற்ற வாழ்ந்த வாழ்வு
மண்ணிலே மறையும் போது
கண்ணிலார் இருவர் வாழ
கண்களைத் தானம் செய்வீர் !
கண்பெற்ற இருவர் நெஞ்சம்
களிப்புடன் பாடல் கொண்டு
விண்பெற்ற மழையாய்த் தூறி
வியனுற வாழ்த்தும் ! வாழ்த்தும் !
-இராதே
கருத்துகள் இல்லை:
கருத்துரையிடுக