ஏலக்காய்
மணக்கும் மணக்கும் ஏலக்காய்
மருந்தாய் மணக்கும் ஏலக்காய் ;
திணறும் மூச்சி ரைப்பினைச்
சீராய் ஒழுங்குப் படுத்திடும் ;
உணரும் உதட்டு வெடிப்பினை
உரிய நிலைக்கே திருப்பிடும் ;
உணவின் நுகர்வைக் கூட்டியே
உடலைத் தேத்தும் ஏலக்காய் !
தும்மல், விக்கல், மூக்கொழுக்கைத்
தூர ஓட்டும் ஏலக்காய் ;
விம்மும் இருமல் மூக்கடைப்பை
விரைந்துத் தீர்க்கும் ஏலக்காய் ;
பம்பும் நுண்மித் தொற்றினைப்
பணியச் செய்யும் ஏலக்காய் ;
தெம்பாய் உடலை மாற்றுமே
செரிக்க வைக்கும் ஏலக்காய் !
ஈறு வீக்கம் தளர்த்திடும்
இழிந்தத் தோலும் பொலிவுறும் ;
சீறும் மனத்தின் அழுத்தத்தைச்
சீர்மைப் படுத்தும் ஏலக்காய் ;
ஊறுங் குருதி ஓட்டத்தை
ஓங்குந் தூய்மை யாக்கிடும் ;
நூறாம் அகவை எட்டிட
நுவலும் வழிகள் ஏலக்காய் !
- இராதே
