பிஞ்சு நிலையில் பிளக்கின்றார் - வஞ்சக
நெஞ்சத்தார் செய்கை நினைத்தாலே என்றுமே
நெஞ்சில் எரியும் நெருப்பு
அடைமழை கொட்டும் ! அணைகள் நிரம்பும் !
கடைமடையில் கண்ணீர்க் கவலை - எடைபோடும்
தஞ்சை உழவர் தவிக்கும் நிலையெண்ணின்
நெஞ்சில் எரியும் நெருப்பு
வஞ்சியர் பங்கினை வாங்கித் தராமலே
வஞ்சகம் செய்திடும் வாதிகளே - பஞ்சணைக்கோ
கொஞ்சிக் குலாவக் குமரிதேவை ? எண்ணுகையில்
நெஞ்சில் எரியும் நெருப்பு
அன்னைத் தமிழை அழிக்க நினைத்திடும்
சின்ன மனத்தோர் செயல்களோ - கன்னமிடும்
வஞ்சகக் கள்ளர்களின் வஞ்சிக்கும் செய்கையென
நெஞ்சில் எரியும் நெருப்பு
-இராதே
கருத்துகள் இல்லை:
கருத்துரையிடுக