இயங்கும் பனிப்படர்வின் மலைமுகட்டின்
உறங்கும் பனியுறங்கும் பனியுருகும்
உரசுங் குளிருரசும் உடல்சிலிர்க்கும்
கிறங்கும் மனஞ்சுவைக்கும் கதகதப்பில்
கிளரும் எழிலுலவும் விழிநடைமுன்
நிறங்கள் ஒளிவீசி மிளிர்ந்தோடி
நிரலாய் மணிப்பரலாய் விழுமருவி
குருகும் குயிலினங்கள் முனகிடுமே
குலாவும் மயிலினங்கள் அகவிடுமே
சருகும் நடையொலியில் இசைசேர்க்கும்
சரியும் மணற்றுகலும் சலசலக்கும்
பெருகும் மலையருவி முழவிடுமே
பிசகா இசைமழையைப் பொழிந்திடுமே
இருகும் மனநிலையும் தளர்ந்திடுமே
இசையின் வளநலங்கள் உளந்தொடுமே !
- இராதே
கருத்துகள் இல்லை:
கருத்துரையிடுக