உருப்படி
மாமழை வாழி !
எடுப்பு
மாமழை வாழியவே வான்பொழிப் பைம்புனல்
மாமழை வாழியவே ( மாமழை )
தொடுப்பு
மாமலை மீதினில் ஆடிடுங் கார்முகில்
மருவிய அருவியாய் வீழ நிலம்புகு ( மாமழை )
முடிப்பு
ஆயிரம் ஆயிரம் நீர்வழி யாவையும்
ஆறுகள் வீறுடன் நீர்நிலைத் தேக்கிப்
பாயும் நிலம்வெளிக் காடுகள் தேற்றி
ஓயா விளைச்சலை ஓங்கவே வார்க்கும் ( மாமழை )
மண்ணில் தவழ்ந்து மண்ணுள் நுழைந்து
மண்ணடி நீர்வளம் மேவ செழித்து
மக்கள் பருகிட நலந்தரு அமுதென
மாண்பை யளித்தே உலகினைக் காக்கும் ( மாமழை )
சூழ்யியல் போற்றவும் உயிரிகள் பெருகவும்
சூழும் இயற்கை தரவுகள் மீட்கவும்
வாழ்நிலை உயர்த்தவும் வறுமையைப் போக்கவும்
வான்தருங் கொடையென 'உயிர்த்துளி' யருள்கிற ( மாமழை )
- இராதே
கருத்துகள் இல்லை:
கருத்துரையிடுக