தருமே தோற்றம் தொப்பி ;
மலையில் மகுடம் போல
மதிப்பைக் கூட்டும் தொப்பி ;
கலையும் முடியை அடக்கி
கட்டுக் குள்ளே வைக்கும் ;
அலையும் வெயிலில் தலையை
அனலி லிருந்து காக்கும் !
கொட்டும் மழையி லிருந்தும்
குல்லா தலையைக் காக்கும் ;குட்டுங் கைகள் தடுக்க
குல்லா கவச மாகும் ;
மொட்டை வழுக்கைத் தலையை
மூடி அழகு காட்டும் ;
பட்டுத் துணியில் தொப்பி ;
பருத்தித் துணியில் தொப்பி !
கதரில் குல்லா தைத்து
காந்தி தந்த தொப்பி ;
உதவும் உள்ளம் நேரு
உடுத்திக் கொண்ட தொப்பி ;பதமாய்ச் செய்த தொப்பி ;
பாங்காய் அமைந்த தொப்பி ;
இதமாய் மூங்கில் பட்டை
இறுக பிணைந்த தொப்பி !
திரளும் திறமை யூடே
திகைக்குங் கலையின் நுட்பம்
புரளும் வேலைப் பாட்டில்
புதிய புதிய தொப்பி ;
வரமாய் நமக்கு வந்தே
மகிழ உதவும் தொப்பி ;
தரமாம் தொப்பி குணத்தைத்
தரணி காக்கக் கொள்வோம் !
-இராதே
கருத்துகள் இல்லை:
கருத்துரையிடுக