ஆல்பக்கோடா பழம் (94)
அல்பக்கோடா பழமே பழமே
அதிகபுளிப்புச் சுவையைத் தருமே ;
தொல்லையாமே மலத்தின் சிக்கல்
தொடராமல் தடுக்கும் தடுக்கும் ;
அல்லல்படு காய்ச்சல் நேரம்
அடங்கிடுமே வாயின் கசப்பு ;
மெல்லஉடல் சூட்டைத் தணிக்கும்
மேவுநாவின் வறட்சி நீக்கும் !
குமட்டலையும் விரைந்து முறிக்கும்
குருதிநாள அடைப்பைக் கரைக்கும் ;
சுமையாகும் உடலின் எடையைச்
சுறுசுறுப்பாய்க் குறைக்குங் குறைக்கும் ;
அமைதியாக நச்சுக் கழிவை
அகத்திலிருந்து வெளியே தள்ளும் ;
இமைபோல இதயங் காக்கும்
எலும்பினையும் உறுதி யாக்கும் !
உடலுக்குப் புத்துணர் வளிக்கும்
உடல்வலிமை ஏற்றுந் தேற்றும் ;
அடங்காதத் தலைநோய் மாயும்
அரிப்புச்சொறி சிரங்கை விரட்டும் ;
இடைஞ்சல்தரு சிறுநீர்க் கற்கள்
இந்தபழம் ஈயுந் தீமை ;
அடைமழைப்போல் பயன்கள் பொழியும்
ஆல்பக்கோடா பழமாம் பழமாம் !
- இராதே
கருத்துகள் இல்லை:
கருத்துரையிடுக