புளியம் பழம் (98)
ஒட்டாத ஓட்டுக்குள்ளே புளியம்பழம்
உடம்புக்கு நல்லதுதான் புளியம்பழம் ;
கட்டாது மலத்தினை இளக்கிவிடும் ;
கால்,இடுப்பு வலிச்சுளுக்கை அகற்றிவிடும் ;
தட்டுப்படும் நீர்க்கடுப்பைத் தணித்துவிடும்
தங்குகிறக் கொழுப்பினைக் கரைத்துவிடும் ;
மட்டுபடும் ஆறாத புண்களுமே ;
மலேரியா காய்ச்சலும் மடிந்திடுமே !
முட்டுவலி வீக்கத்தைக் குறைத்துவிடும்
முடக்குவாதம் இல்லாமல் போக்கிவிடும் ;
கட்டுப்படா வாய்ப்புண்கள் ஓடிவிடும்
கரகரக்குந் தொண்டைநோய் நீங்கிவிடும் ;
சட்டென்றே பித்தநோய்கள் மறைந்துவிடும்
சரியாகா அழற்சியை எதிர்த்துநிற்கும் ;
முட்டிவருங் குமட்டலும் வாந்தியையும்
முடிவுக்கே கொண்டுவரும் புளியம்பழம் !
கரும்புள்ளி தோல்பிணிகள் ஆற்றிவிடும்
கடுக்கிற வயிற்றுவலி விலக்கிவிடும் ;
அரும்பிடும் முகப்பொலிவைக் கொடுத்துவிடும்
அடங்காத இருமல்,சளி அடக்கிவிடும் ;
பெருகிடும் பொடுகினை அழித்துவிடும்
பிறப்புறுப்புத் தொற்றினை விரட்டிவிடும் ;
அருந்தொண்றாற் றிவருதே புளியம்பழம்
அன்றாடம் உணவில்சேர் புளியம்பழம் !
- இராதே
கருத்துகள் இல்லை:
கருத்துரையிடுக