வாழைத்தண்டு (96)
வாழைத் தண்டு நல்லுணவாம்
வளருந் தசைக்கு நல்லுரமாம் ;
வாழைத் தண்டின் சமையலிலே
வளமை யெல்லாம் அணிசேரும் ;
வாழைத் தண்டை உண்பதினால்
மறையுங் குருதிச் சோகையுமே ;
வாழைத் தண்டை மகிழ்ந்துண்டே
வலிமை உடலைப் பெற்றிடுவோம் !
குடலில் சிக்கும் தலைமுடியைக்
குடலை விட்டே வெளியேற்றும் ;
குடலின் நச்சுக் கழிவுகளின்
குடியைக் கெடுத்தே அகற்றிவிடும் ;
குடலின் அமிலப் பெருக்கத்தைக்
குன்றச் செய்தே சமப்படுத்தும் ;
உடலின் எடையைக் குறைத்துவிடும்
உணவுச் செரிக்க வழிவகுக்கும் !
சிறுநீர்த் தொற்றை விரட்டிவிடும்
சிறுநீர்ப் பாதை தூய்மையுறும் ;
சிறுநீர்ச் சுருக்கும், எரிச்சலும்
சிறப்பாய் நிற்கும் குணமாகும் ;
சிறுநீர்க் கற்கள் கரைந்துவிடும்
சிறுநீ ரகத்தின் காவலனாம் ;
சிறுக சிறுக நீரிழிவைச்
சிதைக்கும் வாழைத் தண்டுண்போம் !
- இராதே
கருத்துகள் இல்லை:
கருத்துரையிடுக