வெள்ளரிக்காய் (97)
வெள்ளரிக் கொடியின் காய்தான்
வெப்பத்தைத் தணிக்குங் காய்தான் ;
துள்ளிடும் நாவின் வறட்சித்
துரத்தியே அடக்குங் காய்தான் ;
உள்ளெழுஞ் சிவப்ப ணுக்கள்
ஊறிடுங் குருதிக் கூட்டும் ;
உள்ளூறக் குடலில் படியும்
ஊதுபுகை நச்சை அகற்றும் !
குடலுள்ளே படருங் கொழுப்பைக்
குன்றிடச் செய்தே நீக்கும் ;
குடலதன் தூய்மை பேணும்
குடல்வளர்ப் புண்கள் ஆற்றும் ;
உடலதன் எடையைக் குறைக்கும்
உதிர்ந்திடும் முடியைத் தடுக்கும் ;
தொடர்ந்திடும் வாயின் நாற்றத்
தொல்லையைத் தீர்த்தே கட்டும் !
வெள்ளரி மலத்தை இளக்கும்
வெள்ளரி ஈரல் காக்கும் ;
வெள்ளரிச் சிறுநீர்ப் பெருக்கும் ;
வெள்ளரி உடற்தோல் தேற்றும் ;
வெள்ளரி உண்ண மூளை
வேகமாக செயலில் இறங்கும் ;
வெள்ளரிக் காயைத் தின்போம்
வேண்டிய நன்மை கொள்வோம் !
- இராதே
கருத்துகள் இல்லை:
கருத்துரையிடுக