காந்தளூர் களிநடனம்
அகடுகளின் முகடுகளின் அணிமலையின் கூட்டம்
அலைதிரளும் வெண்முகிலின் வழியுமெழிற் மூட்டம்
நகையுதிர பரிதிஒளி
நடனமிடும் ஆட்டம்
நளினமுறு இளமஞ்சள் நிறமிளிரும் ஊட்டம்
வகைவகையாய் வரைமீதில் வண்ணமலர் நீட்டம்
வரவேற்கும் வண்டிசையோ வண்ணத்தமிழ் நாட்டம்
தகதகிக்கும் கிளிபசுமை எதிரொளிக்கும் கோட்டம்
தனியழகு காந்தளூர் கவலைதனை
ஓட்டும் !
- இராதே
கருத்துகள் இல்லை:
கருத்துரையிடுக