மழையே வாழ்க !
( அமுதே ! தமிழே ! )
மழையே ! மழையே ! அழகிய
மழையே ! பெருமழையே !
மழையே ! மழையே ! அழகிய
மழையே ! பெருமழையே !
மழைதரும் நீர்வளம் பார்!
மழைதரும் நீர்வளம் பார்!
மனதினில் மகிழ்வினில் ஆழ் !
மனதினில் மகிழ்வினில் ஆழ் !
மழையே நாளும் நீ வாழ்க !
மழையே நாளும் நீ வாழ்க ! ( மழை )
வானூறும் நீராரம் ! - வயல்
வெளியின் ஆதாரம் !
வானூறும் நீராரம் ! - வயல்
வெளியின் ஆதாரம் !
வரு மழையே ! பெரு மழையே !
வளமையினைத் தரு மழையே !
வான் மெழுகாய் உருகும் பெருகும்
அதில் உயிர்கள் மகிழ்ந்து போகும் ;
வான் மெழுகாய் உருகும் பெருகும்
அதில் உயிர்கள் மகிழ்ந்து போகும் ;
பூ மயிலும் கொண்டாடும் மழையே
நாளும் நீ வாழ்க ! ( மழை ) ( 1 )
அன்றல்ல இன்றல்ல என்றென்றும்
நீர்வளங்கள் ;
அன்றல்ல இன்றல்ல என்றென்றும்
நீர்வளங்கள் ;
மழை பொழிய நிரம்பி எழும் !
மலை யருவி பெருகி விழும் !
நீர்நிலையும் நிலமும் உழவும்
நீயிருந்தால் மரணமேது !
நீர்நிலையும் நிலமும் உழவும்
நீயிருந்தால் மரணமேது !
பொன்னுலகில் நீர்ப்பாய மழையே
நாளும் நீ வாழ்க ! ( மழை ) ( 2 )
பெய்யாமல் தீங்கிழைக்கும் பெய்திங்கே
நன்மை தரும் !
பெய்யாமல் தீங்கிழைக்கும் பெய்திங்கே
நன்மை தரும் !
நிறைமழையாய்ப் பொழிந்தே எழும் !
குறைமழையாய் ஓய்ந்தே விழும் !
உயிருணவும் உடையும் உயர்வும்
நீயிருந்தால் உலகிலுண்டு !
உயிருணவும் உடையும் உயர்வும்
நீயிருந்தால் உலகிலுண்டு !
மண்ணுலகில் நீர்வாழ மழையே
நாளும் நீ வாழ்க ! ( மழை ) ( 3 )
- இராதே
கருத்துகள் இல்லை:
கருத்துரையிடுக