வாடிவதங்கும் வையம் !

எடுப்பு

வாடி வதங்குது வையக மே - அதன்

வனப்பும் குறையுது நித்தமு மே ( வாடி )

தொடுப்பு

ஊடிப் பாய்ந்திடும் கதிர்களி னால் - வெப்பம்

ஊடே பரவிடும் கரிமத்தி னால் ( வாடி )

முடிப்பு

ஏரி குளங்களில் நீரிறங் கும் - அதில்

எப்படி ஊற்றுக்கண் உயித்தெழும் பும் ?

மாரி பொழிவது தவறிவி டும் - இனி

மாறியே பருவங்கள் உயிரெடுக் கும் ! ( வாடி )

வாரி திரையெலாம் மேலெழும் பும் - பெரும்

வளிகொண்ட அழுத்தத்தில் புவிநடுங் கும்

ஏறி கரையினைக் 'காலி' செய் யும் - ஊர்

எங்கிலும் துயரினைப் பதிவுசெய் யும் ! ( வாடி )

- இராதே