சமரசத்தை வழுக்கிவிடும் பாசி ;
ஏமாறும் இந்தியரை
ஏய்த்துவரும் ருசிகண்ட
கமண்டலப் பூனைகளின் ஆசி !
2.தமிழ்நாட்டுப் பெண்கழுத்தில் தாலி ;
தமிழ்மரபைப் பேணுகின்ற வேலி ;
அமிழ்தான இல்வாழ்வை
ஆசையிலே விலைபேசி
உமிழ்கின்ற மாப்பிள்ளை போலி !
3.சன்னலில் தலைமின்னும் வள்ளி ;
சன்னமாய் மயிர்க்கம்பி வெள்ளி ;
எண்ணுகின்ற நாட்களிலே
ஏக்கத்தில் கண்ணீரால்
பின்னியே நகைக்கின்றாள் எள்ளி !
4.கலங்குகிற ஈழமிடும் ஓசை ;
கலக்கத்தைப் போக்கிடவே ஆசை ;
தலைமூழ்கும் தலைவர்களின்
தன்னலங்கொல் பார்வையிலே
குலம்வாழப் பதவிவேண்டிப் பூசை !
5.இரவுவானின் இன்பரசி நிலவு ;
இரவுகாக்கப் புவியனுப்பும் உளவு ;
அரவுதின்று விழுங்கியதாய்
அக்காலப் புனைவுகளில்
வரம்பிலாத கட்டுரையின் குலவு !
- இராதே
கருத்துகள் இல்லை:
கருத்துரையிடுக