காற்றுக் கொருகுறை கேளுங்கள் -அதை
யேற்றுத் திருத்திட வாருங்கள்
(காற்று)
தொடுப்பு
காட்டை யழித்ததன் கரியை எரித்ததில்
ஓட்டை விழுந்திடும் ஓசோன் அடுக்கினில்
(காற்று)
முடிப்பு
கக்கும் கரிப்புகை சூழ்ந்திருக்கும் - வண்டி
விக்கும் இரைச்சலும் சேர்ந்திருக்கும்
தக்க எரிச்சலில் கண்சிவக்கும் - நிதம்
தாக்கிடும் மாசினைக் கொண்டிருக்கும்
(காற்று)
காலப் பருவங்கள் மாறிவரும் - பனிக்
கட்டி பெருமலை உருகிவிடும்
கோரத் தாண்டவ அலையெழும்பும் - அனல்
கொதிக்கும் பூமியில் படர்ந்துவருங்
(காற்று)
நீண்டு புவிதனில் வாழ்ந்திருக்க - நாமும்
நித்தம் பலப்பல மரம்வளர்ப்போம் !
ஊரில் காற்றினைத் தூய்மைசெய்வோம் - விழும்
ஓசோனின் ஓட்டையை அடைத்திடுவோம் !
(காற்று)
-இராதே
கருத்துகள் இல்லை:
கருத்துரையிடுக