பட்டை இலை (77) (பிரிஞ்சு இலை)
தூக்க மின்மைப் போக்கித்
தூக்கம் நன்றாய்க் கொடுக்கும் ;
தாக்கும் புற்றின் அணுக்கள்
தடுத்து வளர்ச்சி அழிக்கும் ;
ஊக்கப் படுத்தி மனத்தின்
உளைச்சல் அழுத்தம் விடுக்கும் ;
வீக்கம் கண்டால் குறைக்கும்
வேட்கைத் தணிக்கும் இலைகள் !
நீங்கும் குடலின் நோய்கள்
நிற்கும் வாந்தி , காய்ச்சல் ;
ஓங்கும் பக்க வாதம்
ஒழித்து விரட்டி யடிக்கும் ;
தேங்குங் கெட்டக் கொழுப்பைத்
தீர்த்துக் கட்டி மாய்க்கும் ;
பாங்காய் இதயம் இயங்க
பக்க துணையாம் இலைகள் !
இரைப்பு நோய்கள் மாளும்
எதிர்க்கும் ஆற்றல் மூளும் ;
உரத்தப் பசியைத் தூண்டும்
உதிரும் முடியைத் தடுக்கும் ;
உரைக்குங் கைகால் வலிகள்
ஒடுக்கி அடக்கும் இலைகள் ;
திரண்ட நலன்கள் அளிக்கும்
சிகரம் பட்டை இலைகள் !
- இராதே
கருத்துகள் இல்லை:
கருத்துரையிடுக