காவடிச் சிந்து
அந்தாதி முரசு
தீந்தமிழ் அந்தாதி முரசு - அறிவில்
அரசு - அன்பின்
சிரசு - உயர்
தேன்தமிழ்க் காத்திடும் பரசு - தவத்
திருமாலுறை அரங்கன்மகன்
அருமாதமிழ் கலைமாமணி
செம்மைசீர்க் காலையூர் நாடன் - இவர்
நம்தமிழ் பேணிடும் வேடன் !
சிந்தை மொழியூறும் ஊற்று - கொள்கை
நாற்று - கலைக்
காற்று - மரபு
சிந்தும்பா இசைத்திடும் கீற்று - வேச
திருமாவளன் உளமேவிய
அரும்பாவலன் வளமார்கவி
செப்பிடும் வெண்பாவில் பெண்பா ! - புகழ்
அப்பிடும் அந்தாதி வெண்பா !
வெந்தணல் இனமானம் பேசும் - கனல்
கூசும் - படி
ஏசும் - நெய்தல்
வெண்டமிழ்ச் சாமரம் வீசும் - நனி
வியன்மாத்தமிழ் உரமேயென
பயனோடதை நலமேவிட
வெற்றிநெய்யும் நாடன் பாட்டு - அதை
பற்றிடுமே வையங் கேட்டு !
பைந்தமிழ் இவர்பாவில் துள்ளும் - புலமை
அள்ளும் - மேன்மை
உள்ளும் - நாடன்
பாப்புகழ் என்றென்றும் வெல்லும் - நாட்டுப்
பணிச்சேவையில் நலமோங்கிட
அணியேசெயும் தனிநாயகன்
பண்புள்ளம் பார்போற்ற வாழ்க ! - வாழ்வில்
ஒண்டமிழ் வாழ்த்துமே சூழ்க !
- இராதே
கருத்துகள் இல்லை:
கருத்துரையிடுக