மண்புழு

          மண்ணில்  நெளியும்  மண்புழு
                    மண்ணைத்  தின்று  வாழ்ந்திடும் ;
          மண்ணைத்  துளைத்தே  உழுவதால்
                    மண்ணில்  காற்றின்  வினையுறும் ;
          மண்ணின்  வளமும்  பெருகிடும் ;
                    மகசூல்  நிறைந்து  வழிந்திடும் ;
          உண்ணும்  பயிர்கள்  செழிப்புற
                    உழவர்  நண்பன்  மண்புழு !


          சின்னச்  சின்ன  துண்டங்கள்
                    சேர்ந்த  வளையில்  தொடர்ச்சியில்
          முன்னும்  பின்னும்  சுருங்கியே
                    முழுமை யாக  ஊர்ந்திடும் ;
          தின்னும்  வாயின்  பின்புறம்
                    திருகும்  நீண்ட  உறுப்புண்டாம் ;
          உண்ணும்  இரையைத்  தேடிட
                    உதவி  செய்யும்  உறுப்பிதாம் !


          மண்ணுங்  குளிரும்  வேளையில்
                    வலையை  விட்டு  வெளிவரும் ;
          உண்ணும்  இரையை  நாடியே
                    உணவு  வேட்டை  யாடிடும் ;
          எண்ணி  லடங்கா  இரைப்பைகள்
                    இதனின்  உடலில்  உள்ளதால்
          தின்னத்  தின்ன  செரித்திடும் ,
                     செழுமை  உரங்கள் வழங்கிடும் !

                                          -இராதே