சின்ன சிட்டுக் குருவி ;
பட்டுப் போல மேனி ;
பார்க்க அழகு ராணி ;
குட்டிக் குட்டிச் சிறகு ;
குலுங்க விரி யும் இறகு ;
கொட்டும் அலகால் தின்னும் ;
கொத்திக் கொத்தி உண்ணும் !
அல்லும் பகலும் தேடும் ;
அரிய உணவை நாடும் ;
நெல்லின் மணிகள், பயிர்கள்
நெளியும் புழுக்கள், உயிர்கள்
மெல்ல குஞ்சிற் கூட்டும் ;
மேன்மை தாய்மை காட்டும் ;
நல்ல சிட்டுக் குருவி ;
நன்மை பயக்கும் குருவி !
செல்லும் போதே பேசும் ;
செயலில் கதிர்கள் வீசும்
''மல்லல்'' நிறைந்த கருவி ;
மடியும் சிட்டுக் குருவி ;
கொல்லும் சூழல் விடுத்து
குருவி அழிவைத் தடுத்து
தொல்லை இன்றிக் காப்போம் !
துயர றுத்து மீட்போம் !
-இராதே
மல்லல்= வலிமை
-
கருத்துகள் இல்லை:
கருத்துரையிடுக