.jpg)
ஈனுஞ் சுவையைப் பேரீச்சம் ;
"உச்சு"க் கொட்டி உண்ணலாம் ;
உண்டு நன்மை கொள்ளலாம் ;
நச்சுப் பிணிகள் ஓடிடும் ;
நாளும் வலிமை கூடிடும் ;
அச்ச மூட்டும் புற்றுநோய்
அழிக்க வல்ல பேரீச்சம் !
நரம்புத் தளர்ச்சி போக்கிடும் ;
நாசி சளியுங் குறைந்திடும் ;
இரவில் மூன்றை உண்ணுங்கள் ;
இரத்த அணுக்கள் பெருகிடும் ;
பரவும் குருதிக் குழாய்களில்
பாதை அடைப்பு மறைந்திடும் ;
வரமாய் வந்த பழமிதே
வளமை ஈட்டுங் கனியிதே !
நினைவின் ஆற்றல் வளர்ந்திடும் ;
நெருடும் வலிகள் தொலைந்திடும் ;
கனைக்கும் இருமல் தொல்லையின்
கவலை காற்றில் பறந்திடும் ;
நனைந்து தேனில் ஊறிடும் ;
நாவில் சுவையைக் கூட்டிடும் ;
நினைக்க நினைக்க இனிமைகள்
நிறைந்த பழமே பேரீச்சம் !
-இராதே
கருத்துகள் இல்லை:
கருத்துரையிடுக