மாம்பழம்
இளமை அழகை மீட்டெடுக்கும்
எழிலாய் உடலை வலுவாக்கும் ;
வளமை கூடித் தோல்மினுக்கும்
மயக்கம் , சோகை மாற்றிவிடும் ;
அளவாய்க் குருதி ஊற்றெடுக்கும்
அரற்றுஞ் சிறுநீர்க் கல்கரையும் ;
களவுக் கொழுப்பைக் கண்டகற்றும்
கனிவு நிறைந்த மாம்பழமாம் !
புற்றந் தொற்றும் மறைந்தேகும்
புதிய முறுக்கு நரம்பேறும் ;
பற்றும் ' மாலைக் கண்'நோயும்
பதமாய் நழுவி வெளியேறும் ;
இற்ற உடலும் எடைகூடும்
எகிறும் பசியைக் குறைத்தடக்கும் ;
முற்றும் ஈரல் கசிவுகளும்
முக்கா டிட்ட ஓடிடுமாம் !
தொல்லைக் கொடுக்கும் பல்வலியைத்
தொடரா திருக்க செய்திடுமாம் ;
எல்லா உணவும் இயல்பாக
எளிதில் செரிக்க வைத்திடுமாம் ;
பொல்லாக் கண்ணீர் வடிதல்நோய்
புலம்பிப் போக வழித்தேடும் ;
நல்லப் பழமாம் மாம்பழமாம்
நன்மை பயக்கும் மாம்பழமாம் !
- இராதே
கருத்துகள் இல்லை:
கருத்துரையிடுக