குடைமிளகாய் (72)
இளமை கூட்டுங் குடைமிளகாய்
எடையைக் குறைக்கும் குடைமிளகாய் ;
வளருங் கூந்தல் நலங்காக்கும்
வறட்சித் தோலை மெருகேற்றும் ;
அளவாய்க் குருதி அழுத்தத்தை
அடக்கி இதய வளம்பேணும் ;
உளைச்சல் கொடுக்கும் புற்றுநோய்
உருவா காமல் தடைசெய்யும் !
வீக்கம் , எலும்புள் மூட்டுவலி
விரைந்தே ஓட வழிகாட்டும் ;
நேக்காய் இரைப்பைச் செரிமநீர்
நிறைத்துச் செரித்தல் எளிதாக்கும் ;
தேக்க மாகும் மலச்சிக்கல்
சீராய் இளக்கிச் சரியாக்கும் ;
ஊக்க மளித்தே நோயெதிர்க்கும்
உணர்வைத் தூண்டும் குடைமிளகாய் !
மண்டை ஓட்டில் குருதிநீர்
வாகாய்ப் பாய்ந்தே செழிப்பூட்டும் ;
தொண்டை நோயுஞ் சளித்தொல்லைத்
துரத்தி விடியல் தந்துவிடும்
அண்டும் பொடுகை வெறியேற்றும்
அரற்றுங் காற்றைப் பிரித்தோட்டும் ;
தொண்டாய் உவந்து மருந்தளிக்கும்
தோழமை உணவே குடைமிளகாய் !
- இராதே
கருத்துகள் இல்லை:
கருத்துரையிடுக