பெருங்காயம்
காயங் காக்கும் பெருங்காயம்
காற்று நோய்கள் நசித்திடுமாம் ;
மாயம் ஆகுங் கக்குவான்
மறையும் பன்றிக் காய்ச்சலுமாம் ;
நோயாம் இறுகும் மலச்சிக்கல்
நொடியில் நீர்த்தே இளக்கிடுமாம் ;
நேயம் மிகுந்த பெருங்காயம்
நிறைவைக் கொடுக்கும் பெருங்காயம் !
குருதி ஓட்டம் முடுக்கிடுமாம்
குருதி நாளஞ் சீர்படுமாம் ;
உருட்டுங் குடலின் சுழற்சியினை
ஒழுங்குப் படுத்திப் பார்த்திடுமாம் ;
நெருடும் பசியைத் தூண்டிடுமாம்
நெளியுங் குடற்புண் மாய்த்திடுமாம் ;
அருகும் நுண்மி இதைகண்டே
அனைத்தும் மீட்கும் பெருங்காயம் !
சினைப்பைக் கட்டி மறைந்திடுமாம்
சீர்ப்படும் மார்பின் நெரிச்சலுமாம் ;
சினைக்கும் தொற்றினைச் சிதைத்திடுமாம்
சிறப்பாய்ச் செரிக்கத் துணைப்படுமாம் ;
முனைப்பாய் நிற்குங் கருத்தடைக்கே
முந்தித் தருமே உடற்குளிர்ச்சி
சுனைப்போல் பயன்கள் சுரக்கின்றத்
துணைவன் நமது பெருங்காயம் !
- இராதே
கருத்துகள் இல்லை:
கருத்துரையிடுக