கொள்ளு
கொள்ளுக் கொள்ளுக் கொள்ளு
கொழுப்பைக் கரைக்குங் கொள்ளு ;
கொள்ளுக் கோழை அகற்றும்
கொள்ளுக் காய்ச்சல் போக்கும் ;
கொள்ளுப் புரதம் ஊட்டும்
கொள்ளு எடையைக் குறைக்கும் ;
கொள்ளு உணவைக் கொண்டே
குவிப்போம் பயன்கள் நூறு !
கரையுஞ் சிறுநீர்க் கற்கள்
கரையுங் குருதிக் கட்டு ;
விரைந்து நோயை எதிர்க்கும்
விலகும் மூல நோயும் ;
உரைக்கும் பசியைத் தூண்டும்
ஒடுங்கும் கண்ணின் அழற்சி ;
இரைப்பு மூச்சுச் சிக்கல்
எளிதில் தீர்க்கும் கொள்ளு !
கொள்ளுக் குடற்புண் ஆற்றும்
கொள்ளுப் புழுக்கள் நீக்கும் ;
கொள்ளு வெப்பம் ஏற்றும்
கொள்ளுத் தொந்திச் சுருக்கும் ;
கொள்ளு வாதம் விரட்டும்
கொள்ளு உடலைத் தோற்றம் ;
கொள்ளே உணவு மருந்து
குடும்ப நலத்தின் விருந்து ! - இராதே
கருத்துகள் இல்லை:
கருத்துரையிடுக