பட்டை (64)
மறதி நோய்க்கு மருந்து
மணக்குங் கிராம்புப் பட்டை ;
திறமை யாக சளியைத்
தீர்த்துக் கட்டும் பட்டை ;
உறையுங் குருதித் தடுக்கும்
ஒழியும் பூஞ்சைக் காளான் ;
நிறைந்த எதிர்ப்புச் சக்தி
நிறுவுங் கிராம்புப் பட்டை !
திணறும் இருமல் அடக்கும்
திடமாய்த் தசையை இறுக்கும் ;
உணர்த்தும் மூட்டு வலியை
ஓட விடும் பட்டை ;
மணக்க வாயைக் கழுவும்
மாயும் நெஞ்சின் எரிச்சல் ;
மனத்தின் பதற்றம், அழுத்தம்
மட்டுப் படுத்தும் பட்டை !
குருதிப் புற்று மறையும்
குருதி ஓட்டஞ் செழிக்கும் ;
குருதிக் கெட்டக் கொழுப்பைக்
குறைத்துக் கரைத்து நீக்கும் ;
குருதி இனிப்பின் அளவைக்
குறுக்கிக் கட்டுப் படுத்தும் ;
பெருகும் உடலில் நன்மை
பெரிதும் ஊட்டும் பட்டை !
- இராதே
கருத்துகள் இல்லை:
கருத்துரையிடுக