மஞ்சள் முள்ளங்கி(86) (கேரட்)
தோலின் நிறத்தை மெருகேற்றும்
தோலின் கருமை நீக்கிவிடும் ;
தோலின் அரிப்பைத் தடுத்துவிடும்
தோலில் உலர்தல் போக்கிவிடும் ;
தோலில் சுருக்கம் சரிசெய்யும்
தோலைப் பொலிவாய் மிளிரவிடும் ;
தோலைக் காவல் செய்கின்ற
தோழன் மஞ்சள் முள்ளங்கி !
வயிற்றுப் போக்கு நின்றுவிடும்
வயிற்றுப் பொருமல் அகன்றுவிடும் ;
வயிற்றுப் புண்ணை ஆற்றிவிடும்
வாய்ப்புண் மறைந்தே தேறிவிடும் ;
வயிற்றுள் புழுக்கள் கொன்றுவிடும்
வாயில் ஈறும் உறுதிப்படும் ;
வயிற்றைத் தூய்மை படுத்துகிற
மருந்தே மஞ்சள் முள்ளங்கி !
தொண்டை, குடலுள் புற்றழிக்கும்
துவலும் ஈரல் மேம்படுத்தும் ;
அண்டுங் கொழுப்பைக் கரைத்துவிடும்
அணுக்கள் பெருகும் குருதியிலே
மண்டும் வலிகள் சோர்வினையும்
வாகாய்த் தீர்த்துத் தெம்பூட்டும் ;
கண்கள் ,பற்கள் ,எலும்புகளைக்
காக்கும் மஞ்சள் முள்ளங்கி !
- இராதே
கருத்துகள் இல்லை:
கருத்துரையிடுக