அரத்திப் பழம் (92)
(ஆப்பிள்)
அரத்திப் பழமே ஆப்பிளாம்
அதற்குக் 'குமளி' பெயருண்டாம் ;
அரத்தி நாளும் உண்பதால்
அணுக வேண்டாம் மருத்துவம் ;
அரத்தி மூளை காக்குமே
அரத்தி இதயம் பேணுமே ;
அரத்தி அழகை, இளமையை
அதிக அளவில் கூட்டுமே !
நரம்பும் எலும்பும் வலுப்படும்
நன்கு பற்கள் பளிச்சிடும் ;
விரட்டும் பக்க வாதத்தை
விலக்கும் குருதிச் சோகையை ;
மிரட்டும் புற்று நோய்களை
மிரண்டே ஓடச் செய்யுமே ;
அரட்டும் மலத்தின் சிக்கலை
அறுக்கும் பழமே அரத்தியாம் !
தொண்டை , வாயின் நுண்மிகள்
தொடரா வண்ணம் அழிக்குமே ;
அண்டும் குடலின் தொற்றுகள்
அகற்றி வெளியே தள்ளுமே ;
நிண்டும் பசியைப் போக்குமே
நினைவின் ஆற்றல் தூண்டுமே ;
உண்டால் நன்மை பயன்தரும்
உயர்ந்த அரத்திப் பழமிதாம் !
- இராதே
கருத்துகள் இல்லை:
கருத்துரையிடுக