ஓமம் (68)
மூக்கடைப்பு விலக்கும் ஓமம்
மூச்சிரைச்சல் போக்கும் ஓமம் ;
மூக்கொழுக்கு நிறுத்தும் ஓமம்
மூட்டுவலி அகற்றும் ஓமம் ;
தாக்குகிறத் தொற்றை அழிக்கும்
தங்குகிறக் கொழுப்பைக் கரைக்கும் ;
தேக்குமரம் போலே உடலைத்
தேற்றுகிற உணவே ஓமம் !
குடலிரைச்சல் குடற்புண் தடுக்கும்
குமுறுகிற இருமல் ஒடுக்கும் ;
உடல்எடை ஏறாமல் இறங்கும்
உடனடி செரித்தல் நடக்கும் ;
இடர்தருக் காற்றைப் பிரிக்கும்
இயல்பாகப் பசியைத் தூண்டும் ;
படபடக்குங் குருதி அழுத்தம்
பதறாமல் தாழ்த்தும் ஓமம் !
வளர்க்காய்ச்சல் அடக்கும் ஓமம்
வயிற்றுப்புண் வலிகள் ஆற்றும் ;
வளர்சிதை மாற்றம் நிகழ்த்தும்
வயிற்றினுள் பொருமல் நீக்கும் ;
கிளைத்திடும் எருவாய்க் கடுப்பு
கிள்ளியே எறியும் ஓமம் ;
வளமாக நன்மை புரியும்
மணமான மருந்தே ஓமம் !
- இராதே
கருத்துகள் இல்லை:
கருத்துரையிடுக