பச்சை மிளகாய் (90)
பச்சைப் பச்சை மிளகாய்
பயன்கள் மிக்க மிளகாய் ;
உச்சக் காரங் கொண்ட
உணவுப் பொருளே மிளகாய் ;
அச்ச மூட்டும் புற்றை
அழிக்க வல்ல மிளகாய் ;
எச்ச மாக்கிக் கொழுப்பை
எளிதில் கரைக்கும் மிளகாய் !
குடலைத் தூய்மை செய்யும்
குருதி ஓட்டம் பாயும் ;
உடலின் வெப்பங் கூட்டும்
உணவைச் செரிக்க வைக்கும் ;
உடலில் வியர்வைப் பெருக்கும்
உடல்தோல் நோய்கள் மாய்க்கும் ;
அடங்காத் தொண்டைக் காரல்
அடக்கும் பச்சை மிளகாய் !
துடிக்கும் இதயங் காக்கும்
தூண்டுந் தொற்றை ஒழிக்கும் ;
இடிக்குந் தலைநோய்ப் போக்கும்
இனிப்பு நீரைக் குறைக்கும் ;
முடிகள் உதிர்வைத் தடுக்கும்
மூட்டின் வலிகள் நீக்கும் ;
முடிந்த வரையில் நன்மை
முழுக்க தருமாம் மிளகாய் !
- இராதே
கருத்துகள் இல்லை:
கருத்துரையிடுக