சோம்பு (66)
புத்துணர்வு ஊட்டுஞ் சோம்பு
புதுத்தெம்பைக் கூட்டுஞ் சோம்பு ;
சத்துக்களின் சங்கம் சோம்பு
தசைவலிகள் விரட்டுஞ் சோம்பு ;
அத்துமீறும் நச்சுக் கழிவை
அடியோடே வெளியே தள்ளும் ;
எத்தனைநோய் எதிரே வரினும்
எழுச்சியுடன் எதிர்க்குஞ் சோம்பு !
கண்பார்வை மங்கும் பிணியும்
கண்டநேர பசியுந் தீர்க்கும் ;
அண்டிநிண்டும் ஈரல் நோய்கள்
அகன்றுவிழிப் பிதுங்கி ஓடும் ;
மண்டைக்குள் மூளைத் திறத்தை
மடைத்திறந்த நீராய் உயர்த்தும் ;
முண்டிமுட்டுங் காற்றுச் சிக்கல்
முழுவதுமாய் விலக்குஞ் சோம்பு !
வாய்நாற்றம் போக்குஞ் சோம்பு
வயிற்றுவலி நீக்குஞ் சோம்பு ;
தாய்ப்பாலைச் சுரக்க வைக்கும்
தணியாத சூட்டைத் தணிக்கும் ;
தூய்மையுறுங் குருதிச் செந்நீர்
தூக்கமது நன்றாய்த் தழுவும் ;
தேய்வில்லா நலன்கள் பகிரும்
தேர்ந்தநல் உணவாஞ் சோம்பு ! - இராதே
கருத்துகள் இல்லை:
கருத்துரையிடுக