காராமணி (70)
தட்டைப் பயிறே காராமணி
தருமே நலன்கள் காராமணி ;
கெட்ட நச்சுக் கழிவினையும்
கேடு விளைக்குங் கொழுப்பினையும்
ஒட்ட நறுக்கி வாலறுக்கும்
ஒழித்துக் கட்டி வேரறுக்கும் ;
கட்டுக் கடங்கா நீரிழிவைக்
கட்டுப் படுத்துங் காராமணி !
உடலில் நோயின் எதிர்ப்பாற்றல்
ஓங்கச் செய்யுங் காராமணி ;
உடலின் சோர்வை உடன்மாற்றும்
உடலில் எலும்பை வலுவேற்றும் ;
உடலில் தோலைக் காத்துநின்றே
ஊதாக் கதிரின் வீச்செதிர்க்கும் ;
உடலின் சோகை விரட்டிவிடும்
உறக்கம் கொடுக்குங் காராமணி !
புதிய திசுக்கள் உருவாக்கும்
புரளும் புற்றின் அணுவழிக்கும் ;
குதிக்கும் இளமை மீட்டெடுக்கும்
குருதித் தமனி அடைப்பெடுக்கும் ;
அதிகக் காற்றைப் பெருக்கிவிடும்
அதனால் தொல்லை மிகுந்துவிடும் ;
அதிக மாக உண்ணாமல்
அளவாய்க் கொள்வோம் காராமணி !
- இராதே
கருத்துகள் இல்லை:
கருத்துரையிடுக